diario

COMUNICADO DA AGSM-AEN SOBRE A XEFATURA DE SERVIZO DE PONTEVEDRA

21/12/2016

 

Compartimos o Comunicado da Asociación Galega de Saúde Mental- AEN respecto a reciente sentencia sobre a Xefatura de Servizo de Psiquiatría de Pontevedra


 

Nestes días (9 decembro de 2016), o Xulgado do Contencioso nº 2 de Pontevedra estimou o recurso presentado por Víctor Pedreira procedendo a anular o proceso polo que se convocara e se resolvera a praza de Xefe de servizo de psiquiatría de Pontevedra (29 de maio de 2013).

 

Na sentencia advirte (entre outras consideracións) dun desvío de poder. Dende a AGSM-AEN consideramos que tanto o tribunal do concurso-oposición como a xerencia do CHOP incurriron nalgo que debe seren valorado como quizais o máis deplorábel no exercicio das funcións que, democráticamente, se lle outorgan.

 

A posición de convocar, avaliar e decidir implica que se lle concede pola cidadanía un poder especial que afecta tanto ás vidas dos empregados que concorren a un posto de traballo como tamén unha decisión chave ao redor dos proxectos que rexerán un sistema público de atención á saúde das persoas, como é o servizo de psiquiatría dun área sanitaria. Ao noso entender, cando nestes procesos de selección de persoal un tribunal debe realizar o traballo encomendado ten unha responsabilidade que afecta a algunhas das esencias fundamentais da nosa sociedade.

 

As motivacións persoais, políticas e ideolóxicas semellan claras nesta irregularidade sobre da que a xuíz dictaminou sentenza. Levamos anos nos que contratacións, substitucións, gardas, interinidades non manteñen rigor e, nalgunhas ocasións, nin sequera un mínimo pudor. Son as cousas do día a día, dos traballadores do común que seguramente vexan nesta sentenza o que moitos deles padeceron e padecen: favoritismos, endogamias, discrecionalidade... O poder delegado nunha democracia abandona a necesaria responsabilidade para transformarse nun instrumento de poder. Sen máis. Esto, tamén está por detrás do titular sobre dunha xefatura e a vontade e esforzo de Víctor por levar o seu caso ata o final: o xulgado.

 

Temos logo a resposta da admistración: Responsabilidade, cero. Pudor, cero. Explicacións, cero. Preocupación, cero. Unha vez máis, a posición ocupada é de carácter puramente persoal falando dende eles e non dende a condición de representantes da administración pública. Novamente o instrumento de poder enchendo o caso, as reaccións e as declaracións aos medios de comunicación.

 

Por último gostaríanos reflexionar acerca dos baremos repetidamente empregados nos procesos de selección. Non existe absolutamente ningunha mención, nin específica nin con carácter xeral, á orientación comunitaria da saúde mental. Valóranse artigos, concresos, ponencias, teses, anos traballados e unha morea de elementos máis pero non hai nada que reflicta o carácter comunitario da psiquiatría que explicita de xeito claro a norma que regula a atención á saúde mental en Galiza: o decreto 389/1994.

 

A sentenza coméntase por si soa. Compre leela e cavilar así como atender a algunhas manifestacións de significados membros do tribunal ao respecto da psiquiatría comunitaria: tercermundista e non científica.

 

O terceiro mundo e a ciencia son cousas moi serias. Esta sentenza, tamén.

diario

Xornadas AGSM-Pontevedra "O sufrimento...

20/09/2017
diario

PLAN PREVENCIÓN DO SUICIDIO EN GALICIA ...

08/09/2017
diario

I XORNADA GALEGA SOBRE TRABALLO SOCIAL E SAÚDE...

25/06/2017
diario

Festa dos 35 anos do Siso Saúde

04/06/2017
diario

XXII XORNADAS DE PSIQUIATRÍA, PSICANÁLISE E...

03/05/2017
diario

O primeiro Inter-nós e o primeiro Siso

26/04/2017
diario

A FESTA DOS 35 ANOS DO SISO SAÚDE

07/04/2017
diario

SISO SAÚDE 58-59

22/03/2017
diario

XXVII JORNADAS NACIONALES SALUD MENTAL AEN...

16/03/2017
diario

III Xornada de Psicopatoloxía e Cultura ...

25/02/2017
diario

SEMINARIOS DE ORIENTACIÓN DE CASOS

22/02/2017
diario

COMUNICADO DA AGSM-AEN SOBRE A XEFATURA DE...

21/12/2016
diario

"AS DECLINACIÓNS DA LOUCURA" ACTO DE CLAUSURA...

20/11/2016
diario

"AS DECLINACIÓNS DA LOUCURA" II XORNADA DA...

19/11/2016
diario

II XORNADA AGSM-AEN "AS DECLINACIÓNS DA...

23/10/2016
diario

IV Jornadas Interautonómicas de Salud Mental...

15/10/2016
diario

XXI XORNADAS DE TRASALBA: PSIQUIATRIA,...

29/05/2016
diario

XXI XORNADAS DE TRASALBA: PSIQUIATRIA,...

11/05/2016
diario

XXVI Jornadas Nacionales de la Asociación...

23/04/2016
diario

COMUNICADO DA AGSM-AEN EN RELACIÓN A ...

13/04/2016
diario

SISO SAÚDE 56-57

07/04/2016
diario

XIII JORNADAS DE LA OTRA PSIQUIATRÍA "EL...

22/03/2016
diario

II XORNADAS DE PSICOPATOLOXÍA E CULTURA...

20/03/2016
diario

SEMINARIO DE ORIENTACIÓN DE CASOS "VERSIÓN...

17/03/2016
diario

Conclusións I xornada AGSM-AEN

14/12/2015
diario

I XORNADA DA AGSM-AEN "DO QUE ESTÁ EN CRISE"

14/09/2015
diario

PRAZOS I XORNADA DA AGSM-AEN

06/10/2015
diario

FOOLMAKERS

19/09/2015